هذا واحد يكتب من قلب و انواع التحطيم في الرد لقد جفت اقلامي ( عادي نشتري لك واحد جديد وتكسرت مجاديفي ( حاول تسبح او خليك في القارب وانتظر احد يجيك يساعدك
سابقى هنا حتى مغيب الشمس ( اقول سم بالرحمن ورح البيت لن ادع الاحزان تأخذني (وش تبى فيك علشان تأخذك مالت عليك
لقد ابحرت وعبرت المحيطات بدون قارب( بدون كذب.. لا عاد قول انك عبرتها سباحة وعلى ظهرك ) لقد جمعت آهات الحزن وحنين الالم(وش رايك لو تجمع طوابع البريد احسن لك) هكذا الدنيا تدور وتدور( نعرف ان الدنيا تدور من غيرك ماجبت شي جديد ) فذاك المكان كنت اجلس واتامل اوراق الخريف( الناس غدو ناس وانت قاعد تتأمل)
نظرت لها وهي تسقط وتتناثر( مافكرت تجمعها مثل ماجمعت آهات الحزن وحنين الالم)
اني اسمع تكسرات عظامي( اكيد ماتشرب حليب ذبحك الديو والبيبسي ) ان عظامي تتكسر ووتهشم( اكيد عندك صداع في العظلات ) انظر هناك خلف الافق( نظرنا وش فيه؟؟ ) هناك حيث الامل وحيث الحياة(لوحدهم؟ ولا معهم احد) هههههههههههههههههه انظر الى تلك الفراشة اليافعة النحيلة الهزيلة وهي تطير(والله؟؟كنت احسبها تسبح) سوف اعلن للعالم(اعلن بس تكفى لا تصيح الله يخليك ) سوف اعلن للعالم ان الابداع قد مات(( مات؟؟!!! )) سوف اعلن ان هناك من يقتل الابداع( اذا انت الابداع فقتلك حلال ) سوف اقف امام كل الاعداء(الله يقويك انت اوقف وحنا معك ) سوف اوقف زحف الاقلام التي تحارب قلمي( تكفى ياروبن هوود ) من قال ان الابداع مات ((أنت قلت قبل شوي ولا غيرت رايك )) سوف اريهم من انا (( والله منت سهل )) انا القلم الذي اكتب بلى خوف( ياشيخ وش هالقووة )) انا القلم الحر((ليش كنت مسجون )) سوف اكتب في كل مكان((الله يخليك الا الجدارن لا تكتب عليها )) اما زالت اقلامي جافة؟؟((ترى ازعجتنا انت وقلمك خذ لك قلم رصاص وريحنا )) هل مازلت تايه في معمة الايام؟؟((الي يسأل مايضيع؟ ))
سوف احقق كل اهدافي((بس انتبه لا تطلع تسلل ))
ماقد بنيته بالامس لان اهدمه اليوم((البلدية الي راح تهدمة ..في احد يبيني استراحة وسط احياء سكنية )) انا كنت ولا زلت وسوف ابقى((هذا درس في القواعد؟ )) وسوف تبقى ابداعاتي تدوم وتدوم وتدوم((قاعد تسوي اعلان فيري )) نحن لا نفهم ((تكلم عن نفسك يابو الشباب لاتعمم )) الى متى ونحن هكذا((الين يفرجها الله ))
ياللي تكتب بين الاقواس اهجد((طيب ابشر بس كمل ..كمل )) كل المواضيع التي لاتحمل معنى فهي ليست ابداع((متأكد!!! )) نعم متأكد بس من قا ل لك هذا؟؟؟((انت من اول تتكلم والان تقول من قال لك هذا)) من قال ان الكلام الذي بلى معنى ليس ابداع((يوووه والله انت الي قلت)) كنت امزح(( بالله .... مالت عليك)) دعنا نكمل كل الايام متشابه ولكن تختلف في الاسماء((كلام صحيح)) كذلك السنين متشابه((بس السنين مالها اسماء يعني قلنا كلامك صحيح وصدقت نفسك)) كذلك الوجوه متشابه((يمكن في الصين تتشابه بس هنا تختلف)) كذلك الامكان متشابه((ترى كثرت من كلمة متشابه حاول تغير الموضوع)) لو كنت اقف بجانب هذا الزمان الصعيب لكنت شبيه له من كثر احزاني((خليك ولا تتحرك باخذلك مع الزمان صورة تشييييز )) يالي بين الاقواس اهجد وخلينا نوصل المعنى للاخوة الاعضاء بدون تريقة.اوكي((اوكي)) عندما تاتي بكل الحب وتقدمه للاخرين ثم تنصدم((اكيد كنت مسرع وقاطع اشارة )) وقتها تعرف ان الحب بين الناس قد ضاع((تبى احد يدور معك؟)) هل هذا الزمان هو زمان الحب؟(( لا حول ولا قوة الا بالله )) هل هناك شي اسمه حب((يابو الشباب انت وش تبى؟؟)) لقد تشربت عروقي من اليأس والاحزان وبدات مدامعي تنهمر مثل الامطار((اللهم حوالينا ولا علينا)) بعد هذا الجهد والعناء سوف اقف على قدم وساق((مطول وانت واقف)) سوف اقف وابتسم في وجه الايام الحزينة((ماصارت حزينة الا منك)) واقول لها ((بتقول لها بشويش ولا بتصيح؟؟)) لا بشويش سوف اقول لهذة الايام الحزينة ارحلي((طيب حجزت لها اوكي ولا تبي تخليها انتظار)) حجزت لها اوكي
سوف ادعها ترحل وسوف ابقى انا هنا سوف انتظر احزان الاخرين لاخبرهم كيف يرحلو عنها نحن نهرب من قسوة الايام وجور الزمان ولكن لم نفكر يوم ان نعلن للحزن والأهات بأننا اقويا كم تجرحت مشاعرنا من اناس نحبهم لاننا حساسون وطيبون او لاننا غير مرغوبين لديهم ولكن لم نفكر في يوم ان نبادلهم بنفس الشعور من القسوة هذه الايام تجري ونحن فيها نبحر بلى وجه ولا اتجاه ((هذا الكلام مقتبس من كتاب العلوم )) الى اين نحن متجهون ؟؟
واذا وصلنا لما نريد هل سوف نرضى ام سوف نفكر ان نعود؟؟ واذا كنا غير راضينا عن حياتنا فمالذي سوف يرضينا؟؟ في احد مو راضي عن حياته؟؟ في احد يشكي من الاحزان؟؟ في احد كثرت عليه الهموم؟؟ في احد يبي شي من البقالة؟؟ في احد فيكم وده يحذفني بالكيبورد؟؟ في احد حاس انه مضيع وقته يقرا هالموضوع ؟؟
موضوع: وِآحِدَ مٌبَدِعْ فِيْ آلكِتَآبـَه..أدخَلْ وِشُوٍفْ أنوٍآعَ آلتـَحِطِيِم... 
الخميس سبتمبر 18, 2008 8:20 pm
من جد مجنن